2018年9月1日 星期六

高雄市 前金區 新成屋

高雄市前金區係類似香港既中、上環,有好多政府機構同銀行,商業味較濃。

今次要講既係前金區新成屋,大樓名叫"民生香榭"。樓高28層,已經算係超高大樓了。

年半前,呢個建案仲係預售屋時,我和老公用咗差不多800萬新台幣,買咗個2房高層單位,連車位,建築面積約24坪(一坪35.5呎),實用面積約16坪。年半後既今日終於可以驗屋了,唔知係未我地係第一組既買家黎驗屋,建商有成十幾個工程人員同我地一齊驗屋,試咗電、去水、電器等,無咩大問題,全程用咗2小時左右。之後等多兩個月左右就可以交屋。


不過交屋後,仲有裝修係必需整,點解?因為台灣新屋天花係會有喉管同消防灑水喉突出,要安裝假天花黎修飾。係高雄,法例規定,超高大樓,由二樓起,每層各戶都必需要有消防灑水頭同煙霧感應器。一般大樓(不高於層15樓),10樓以下是不需有消防灑水系統,而11-15樓就必需要有。因此有些建案大樓,10樓以下樓底係無咁高,如3米1,而11樓以上,樓底就會高啲,如3米3,就係因為要加裝消防灑水系統嘅原因。


裝修方面,假天花係必要做,仲要添置傢俬電器,先可以放盤出租。初步預算租金23000-25000左右,回報約3.7厘。

講多少少,呢個建案樓高28層,地下在5層,樓㡳高3 .3米。每戶配有一個電單車位供使用,公共設施有泳池、健身室、BBQ 區、閲讀區、宴會廳、卓球室等。





     
          
       



沒有留言:

張貼留言